Pagalpan nahi...ishq hai mera!

Pyaar , ishq , mohabbat , love in lafzo se mujhe pehle hi nazar mein fida ho chuki thi. Jab pehli baar in lafzo ko suni thi toh ek ajeeb si kushi hui thi aur excitement bhi thi. Lekhin ab in lafzo ko sunkar ek ajeeb si bechaini hoti hai aur dard bhi mehsoos hoti hai kyunki ab ye saare lafz kisi ki yaad jo dilati hai. Ishq bina dard ki toh adhoora hai hi. 

   Lekhin kya aapko kabhi kisi ki yaadon se aanewali uss dard se sukoon mila hai ? Ajeeb hai na. Kabhi kabhi khud pe hasthi hoon ki yeh kaisi pagalpan hai. Dard kab se sukoon dene laga hai. Yeh sawaal aise kisi se pucho jiske pyaar mukkamal nahi hua ho. Shayad yahi kahenge ki kisi bhi jooti kushi se zyada sukoon toh yeh dard hi deta hai. Vo kehte hain na ikraar meera jaisa , intezaar radha jaisa. Maan bhi lete hai ki yeh pyaar toh bas adhoora hi rehne wala hai phir bhi uska intezaar karna chodthe nahi. Pagalpan hi toh hai ye.

     Vo ghana:

" Tum na huye mere toh kya......Main tumhara.... main tumhara.....main tumhara raha"

Yeh ghana sunne par aise laga jaise kisi ne mere dil ki baath pakad li. Voh baath jo khud se bhi keh nahi payi. Kaisa pyaar hai yeh jo hoke bhi na raha. Adhoora sa vo rishta jo apna lagta hai. Uski sath na hone se zindagi shayad adhoori si lagti hai lekhin pyaar toh bilkul bhi adhoori nahi lagti. Kisi ko khone ka dar hi nahi hai. Jo apna kabhi tha hi nahi usse khone ka kya gham. Apna toh bas mera pyaar tha aur vo hamesha apna hi rahega. Uss pe pura hak jo mera hai toh usse churayega kaun. Yeh baatein shayad koi samjhenge bhi nahi. Lekhin pagalpan nahi ishq hai mera......