Hahanapin ko ang mga letrang bubuo sa salitang tayo

Mahal
Salitang gusto kong sabihin sa iyo
Salitang gusto kong mapatunayan sa harapan mo
Ngunit sa bawat pagkakataong sasambitin ko
Natatameme at natutuliro
Na parang sirang makinang hindi na makausad
Gustong gusto kong sabihin sa iyo
Ngunit kahit anong gawin ko ay hindi ko magawa
Kasi pakiramdam ko hindi pa
Hanggat di ako sigurado
Wag na muna
Pumapasok sa aking isipan ang isang katanungan
Mga salitang pag aalinlangan at walang kasiguraduhan
Talaga nga bang pagmamahal ang nararamdaman
O isang pandaliang tamis lamang ng pagsasamahan
Hindi ko mawari kung alin sa dalawa
Kahit na sinisigaw na ng puso ko na mahal kita
Patawad kasi pakiramdam ko hindi pa
Sabihin na nating maaring duwag ako
Na ang rason ko ay napakalabo
Ngunit paano ko nga ba maipapaliwanag ang nararamdaman
Paano ko nga ba masasabi na para sayo kaya ako naninigurado
Ang gusto ko lang naman ay mapatunayang ang pagmamahal kong itoy pangwalang hanggan
Oo, nais ko mang tawaging pagmamahal na nga ito
Ngunit di ko maalis ang takot dito sa puso ko
Takot na baka mabigo kita
Takot na baka masaktan ko ang puso mo o aking sinta
Siguro nga duwag ako
Duwag na ipakita ang pagmamahal na ikinukulong ko sa mga salita
Mga salitang hindi ko malagyan ng kahulugan
Kaya heto ako at tila naguguluhan

Patawad
Patawad kung hindi pa ako sigurado
Patawad kung naging paasa ako
Marahil mahal kita, marahil hindi pa.
Pero isa lang ang sigurado.
Sa akin ikaw ay mahalaga.

Kaya kung maaari ay hayaan mong hanapin ko
Ang mga tamang letrang bubuo ng nararamdaman ko sayo
Upang sa panahon na mahanap ko na
Sa panahong mabuo ko na ang mga buhol buhol na letra
Sa oras na mahanap ko ang tamang salita
Baka sakali
Baka sakali
Siguro
Panigurado
Masasabi ko na sa iyo,
Na ikaw lang at walang iba ang Mahal ko.
Ngunit isang tanong lang ang nagbibigay ng takot sa akin.
Tanong na hindi ko mabigyan ng kasagutan.
Isang tanong.
Sa oras ba na mahanap ko na. Nandyan ka pa kaya at naghihintay o aking sinta?