Ikaw pa rin

Ilang taon na rin.

Sinamahan mo ko,

Yun pala, aalis ka rin.

Inasahan ko

Na baka babalik ka rin.

Pagod na ko

Pero bakit wala ka pa rin?

Hinihintay kita,

Pero may hinihintay ka bang iba?

Nakita mo ba sya

Kaya ako'y kinalimutan mo na?

Kasama mo ba sya

Habang heto ako't nag-iisa?

Naghihintay, umaasa,

Baka-sakaling dadating ka pa?

Dahan-dahan,

Sadya kong binagalan.

Dahil hindi ko alam

Kung saan ka pupuntahan.

Hindi ko alam

Anong tamang daan

Sa dulong ikaw

Ang matatagpuan.

Nung buksan mo

Ang puso ko

At sinulat ang pangalan mo,

Naniwala ako sayo.

Umiikot ang mundo

Nananatiling ako'y sayo.

Ilang taon na rin.

Kahit iniwan mo lang ako,

Ikaw pa rin ang narito.