Jeepney

Tara, tara sa Jeep

Isang kahong may apat na gulong

Kung san ang mga tao'y
  rinig ang bulong.

Sakay, sakay sa Jeep

Konting ipit baka masilip

Dal'wa, dal'wa pa

Sa kanan, sa kaliwa

Konti pang siksik

Kahit na'y napakasikip.

Usog pa nang usog

Ingat sa buntis at baka mausóg.

Usog para sa matanda

Isiksik ang pwet kahit mukha ka ng palaman.

Teka, teka, may bababa pa, Sa wakas

Hala may aakyat na naman ng Jeep

Konting hinga bago ulit mapisá.

Swerte pag katabi'y maganda o gwapo

Kesa balyenang malakas ang putok.

Pakisuyong paabot

Sa drayber o sa konduktor

Na mukhang monster

Kalaban ni Victor.

Gising, gising

Bawal matulog na parang lasing

Pagkamalan kang nananantsing

At sabihang kamukha ng matsing.

Malayo pa, magselpon na lang

Itago ang pera't, maipit-ipit gang.

Kinsenas at may sahod

Manakaw sa pasimpleng hablot

Kumapit ka't baka mahagis sa harap

O kapit sa katabi, malay mo

Siya mo nang matagal hinahanap

At pina-pangarap.

Ayan na, ayan na malapit na

Nagkakamabutihan na

Magki-kiss pa nga ata.

"Crossing Mayantoc po!" Epal ni kuya.

Oo na nga, PARA na! PARA!

#PoetofRandomness