KAHAPON

Naaalala ko noong una kong narinig iyong pangalan

Parang siyang musikang matagal ko ng hinihiling pakinggan

Parang nawawalang parte ng nota sa himig ng aking kinakanta

Naaalala ko noong una tayong nagkita, isang matamis na ngiti ibinugad mo sa akin

Isang matamis na ngiti na nagbigay buhay sa akin

Isang buhay na hindi ko inasam kaya't heto ako, nagdadasal na sana'y maging akin

Mukhang malakas ako sa kanya kaya't diniggin niya ang aking panalangin

Hawak hawak ang iyong kamay at nagpapasalamat sa langit

Ngumiti't napaisip kung ito'y panaginip

Mali pala ako, hindi ito pantasya kundi isang bangunguot

Na kahit anong gawin mong gising hindi ka makakalimot

Hindi mo hahanapin ang sagot kundi mababalot ka na lamang ng poot

Masakit pala mahulog sa bitag ng kahapon

Di mo alam kung san patungo, di mo alam kung sinong tutulong

Kailangan mong bumangon, harapin ang hamon

At ngayon masaya ako, masayang masaya ako

Dahil ikaw na siyang nagbigay kulay sa aking mundo at siyang ring gumiba nito,

ay masasabi kong isang parte nalang ng aking masalimuot na KAHAPON

~FIN~