Karimlan

Unti-unting binabalot ng poot at kalungkutan
Walang ilaw na matakbuhan
Pilit niyayakap ng kadiliman
Tila ayaw na akong pakawalan

Sinusubukang hindi pansinin
Mga bulong na binabagabag ang aking isip
Palakas nang palakas ang tinig
Ngunit parang wala pa ring nakakarinig

Gusto ko nang wakasan
Ang karimlan na nararamdaman
Ngunit hindi sulusyon ang paglisan
Upang ang kapanglawan ay maibsan

Bathala, humihiling na lang na iyong dinggin
Ang matagal ko nang panalangin
Na sana'y mahanap ko pa rin ang liwanag
Sa kabila nang pangangapa sa dilim