Kon hai tu ? Insaan ?
bin kuch kare mahaan ?
Izzat krna kisey kehte hain ye jaan na ska
Meri khamoshi ka tune maan na rkha
Mai teri maa , beti , behen nahi
teri ye badtameezi mujhe sehen nahi
Aurat hun , teri daulat nahi
Mera istemaal krne ka tujhe hakk nahi
Kon hai tu ? Insaan ?
Ye awargi teri shaan ?
Chauda hokr kyun chalta hai ?
Kya meri takat se tu darta hai ?
Kya mne tujhse teri pehchaan mangi ?
mai seeta kya bani , tune laxman rekha langi
Kon hai tu ?
Aa mai bataun
Teri asliyat se tujhe milwaun
Dekh udhar , us aainey ko
wo aaina misaal hai
tu china ka maal hai.
stop acting fake for God's sake
zara khudko dhyaan se dekh
baap ke paise pe akadta hai
soche ye moholla tujhse darta hai.
bandi ko comfortable kare, kehke babe I love you till infinity
par biwi tu mange who hasn't lost her virginity
abey thoda to stable ho
baat kariyo jab capable ho.
Kon hai tu ? Baap mera ?
tu kuch bigaadega kya khaak mera?
tu mujhe azmaana chhod de yaar
apne is dimag pe thoda zor to daal.
Tu mujhe paal nahi rha
mujhe sambhal nahi rha
Fir kis baat ka raub jamata hai ?
meri mahine ki kamai to tu saal mein kamata hai
Teri pehchaan kya hai ?
ye tu khud bhi nahi jaanta
insaan to nahi
ye tu bhi hai manta.