Looking back

Anong nangyari satin? Balikan natin yung lugar kung saan tayo nagkakilala. Nung binigyan mo ako ng bulaklak. May kasama pang tsokolate at love letter... Love letter na umaabot pa minsan ng 3pages.. walang palya. Araw araw. Yung libro na gustong gusto ko mabasa... Nag aaral pa lang tayo nun kaya pinag-ipunan mo talaga mula sa araw araw mong baon. Yung projects and assignments na ginawa mo para sakin nun, mas maganda pa sa nagawa mo para sa sarili mo. Kaya ayun, mas mataas din yung grade ko. Nakakatuwa din yung time na pumunta ka sa bahay para maging pormal ang panliligaw. Takot na takot ako. Kasi naman, ang babata pa natin nun. Sabay tayo laging umuuwi kahit na napaghihintay kita ng ilang oras. Magfu food trip - kwek kwek, fishball, kikiam, hotdog, mais, fries, at kung anu ano pang turo turo tapos panulak ay buko juice. Hanggang sa nagkatrabaho na tayo... Nahilig sa pagtravel.. Adventures. Nood ng sine, kain sa labas. Hindi lang nga kain, sobrang takaw kasi natin parehas. Walang diet, diet. Minsan naman, tabi lang tayong tutulog buong maghapon, sulit na. Masaya na. Kasi kasama kita. Kasi magkasama tayo.

Minsan siguro talaga, babalik at babalik tayo sa mga panahong laganap pa ang tamis at saya... Alaalang hindi makukuha ninoman... Hindi mabubura.. Hindi mapapalitan..

Minsan lang naman. Minsan lang.