Magandang Araw, Mahal

Magandang araw Mahal, tunay na magandang salubungin. Pagmulat ng mata hanggang paglubog ng araw. Pagdating ng liwanag hanggang pagsakop ng kadiliman. Pagtilaok ng manok hanggang sa huni ng mga kulisap. Maganda ang araw, napakaganda. Walang pagsidlan ang tuwa't ligaya, bumabalot sa puso't maaaninaw sa mukha. Walang lugar ang lungkot sa mukhang nakangiti. Mga problema't pasakit ay agad mapapawi. Ganyan saking puso ay namumutawi, sapagkat pag-ibig mo ay hindi napapawi. Ganito na tayo katagal ang magtatagal pa. Sa mga darating na araw ay sabik na sabik na, makasama ka lamang sa bawat sandali, ay aking ginhawa sa araw at gabi. Ikaw ang aking mahal sa kasalukuyang panahon, at ikaw lang ang nais hanggang ako ay yumaon.