Are you sure you want to report this content?
Illustration by @dariaesste
Mga bagay na kinakainisan ko sa pagiging isang babae
Una
Yung buwan-buwan mong nararanasang sakit at pagdurursa habang nakabaluktot sa iyong kama.
Daig mo pa yung sundalong sugatan na sumabak sa gyera gayong nandun ka lang sa iyong lungga
Hawak sa isang kamay ang mainit na pomento sabay pikit at daing ng "Ang sakit" dahil daig mo pa nga ang sundalong sumabak sa gyera
Duguan at nakabaluktot ng walang laban
Pangalawa
Mga mapanuring mata, laging sa iyo ay nakamatyag
Hindi malaman kung ano ba ang tunay na gusto nila
Pero maya-maya lang ay makakarinig ng mga bastusing salita mula sa bibig ng mga animal na animo'y nakawala sa hawla
Kahit na mukha ka nang tinapa na ilang balot na ang suot na saplot
Wala ka pa ring panangga sa mga maduduming hayop na umaaligid para mangsutsot
Pangatlo
Mahina. Ang tingin sa iyo ng lipunan ay animo'y isang babasaging baso na kapag nabitawan ay magkakapiraso-piraso. Para kang mamahaling muwebles na kahit gaano kalaki ang halaga, isa ka lamang dekorasyon sa bahay nangangatulong at ang iyong asawa ang iyong amo.
Nakakarindi ang mga ganitong tagpo na ang isang babae ay para lang gawing pampalipas oras ng mga lalaking hayok pangrampa para may ipagmalaki
Gawing parausan para maisalba ang sarili mula sa tawag ng libog
Kaya tama na. Kung akala niyo na ang babaeng buwan-buwang nakabaluktot dahil sa sakit ng puson ay habang buhay nang lumpo, nagkakamali kayo.
Dahil daig pa nito ang sundalong sumabak sa gyera, walang sugat ang makakapagdikta kung siya ba ay titigil na dahil aahon ito.
Lalaban siya para sa karapatan niyang pantao. Hindi dinisensyo para maging dekorasyon kundi bilang isang babaeng magiging ilaw ng bawat henerasyon.
Hindi ginawa para babuyin at alipustahin ng mga lalaking tag-libog.
Hindi binihisan ng maganda para iyong sitsitan sa kanto
Hindi isang baso na kapag nabasag ay inyo na lang itatapon.
Dahil ang bawat babaeng makakasalubong ninyo ay isang pigura na dapat irespeto. Nilikha ng Nasa itaas para humubog sa bawat tao at hindi dapat gawin bilang sariling paraiso.
The day will come that we are all the better version of ourselves.
02Struggling to survive in this chaotic life, but I, You, US, need to get hold of it.
20106 Launches
Part of the Poetry Wars collection
Updated on August 31, 2018
(0)
Characters left :
Category
You can edit published STORIES
Are you sure you want to delete this opinion?
Are you sure you want to delete this reply?
Are you sure you want to report this content?
This content has been reported as inappropriate. Our team will look into it ASAP. Thank You!
By signing up you agree to Launchora's Terms & Policies.
By signing up you agree to Launchora's Terms & Policies.