Naalala ko pa `yung mga ngiti mo na ako ang dahilan
Mga matatamis na salitang sa akin mo lamang ipinahahayag
Ikaw ang una't-huling kausap sa bawat araw na lumipas
Mga mensahe mo’y nakatatak parin, at bakit nga ba kay hirap kalimutan?
Masarap balikan ang mga alala-alang naging parte ng ating nakaraan
Ngunit may kaakibat itong sakit sa tuwing maalala kung paanong bigla nalang nawala
Na kung bakit nga ba ang in a Relationship Status natin ay naging Complicated?
Ako ba ang may kulang? O sadyang hindi lang talaga tayo ang para sa isa’t-isa?
Nang tayo pa pakiramdam ko ikaw na, ikaw na talaga!
Ikaw na makakasama ko sa panghabangbuhay
Ikaw, na katapat ng Ako.
Ikaw sana... Ikaw sana na kasama ko ngayon.
Bakit hindi natin ipinaglaban ng may pagkakataon pa?
Nang ang mga ngiti at saya ay atin pang mapagsaluhan
Bakit kailangan kaagad bumitaw? Kung kaya pa naman sanang maisalba
Bakit? Ang paulit-ulit na tanong sa aking isipan.
Sa pagtalikod mo mga luha’y nagsilandasan
Mga luhang nagsasabing ika’y minahal ko ng lubusan
Pagmamahal na ipinaramdam mo noon sa akin
Gaya noon nang TAYO pa habang wala pa nang KAYO ngayon.
-------------------------------
All Rights Reserved
©Copy Right 2017
@remus