P A A N O

Paano nga ba aaminin ang damdaming hindi mo naman papansinin.

Hindi alam kung saan lulugar dahil ikaw mismo ay magulo rin.

Paano? Hindi ko alam ang dapat gawin

Kailangan ko bang umamin o damdamin ay kailangan ng limutin.

Mahirap magmahal ng taong di pa tapos mag mahal ng iba

dahil walang kasiguraduhan kung ikaw nga lang ba ang para sa kanya.

Hindi pwedeng pangunahan ang pagdedesisyon

dahil bawat isa satin may nakahandang tao para magbigay atensyon.

Di malaman kung bakit unti unting nagkakaroon

Isang bagay na wala noon.

Hindi mapaliwanag ang tunay na nadarama

dahil di sa mga salitang hindi pa malinaw sinta.

Magulo? Oo magulo

Alam kong hindi pa tama ang segundo at minuto

Kailangan pang maghintay sa tamang ikot ng mundo.

Ang tanong saan nga kaya mauuwi ito?

Unti unting lumalawak, ang damdaming hindi man lang maipaliwanag

Bilang na ang mga katahimikang iyong binasag

Pa-unti unti at dahan dahan

Ang pusong puno ng kalungkutan ay napupuno ng kasiyahan

Hindi alam kung kelan nagsimula

Hindi rin alam kung ano ang resulta

Hindi rin natin alam ang dahilan

Hindi rin alam kung ano ang pinagmulan.

Magulo? OO magulo

Pero sa tamang panahon itoy klaklaro

Lahat ng tanong ay masasagot

At malalaman kung ikay magiging masaya o malungkot.