Piitan

Taon ang binibilang
Buwan ay hinahayaang lumipas
Nagbibingibingihan sa kasalukuyang nagaganap
Hanggang kailan ka kakapit sa huwad na pinaniniwalaan?

Sa bawat oras na lumilipas
Bagong delubyo ang dinadanas
Humahanap ng mga panakip butas
Upang ang katotohana'y hindi maisiwalat

Kailan ka kikilos?
Kung ang araw na matyagang sumisikat
Ay napalitan na ng buwang hangad ay kasinungalingan?
Kailan isasakatuparan ang mga pangakong natabunan na ng bagong panahon?

Iwan ang piitan, paglabas mo'y masisilayan
Ang muling pagsikat ng araw
Wag ng tuligsain at gawan ng butas
Wag hayaang ang buwan ang siyang mamalakad