Sa araw na ayaw ko na

Masaya naman akong malaman na okay ka

Kahit gusto ko sana kausap kita

Pilit ko na namang pinipigilan ang sarili ko na ichat ka,

Kase ilang beses ka narin namang nag seen diba?

Pero ang bawat pigil ay sadyang madugong labanan talaga.

Hiling ko lang naman na sana hayaan mo muna ako,

Hayaan mo muna akong umasa ng ganito

Hayaan mo muna na patuloy kitang gustuhin,

Gustuhin kahit ayaw mo naman sa akin

Pero hindi naman ako umaasang magustuhan mo

Dahil kapag tama na, uusad na ako

Kapag tama na, titigil na ako sa pagpapapansin sa’yo

Ititigil ko na ang mga post na parinig sa fb story ko

Darating din yung araw na titigil na ako sa pagbisita sa convo natin kung nag reply ka ba

Darating din yung araw na titigil na ako sa pag-asa na ikaw ay makikipagkita

Darating din yung araw na hindi ko na bibisatahin yung profile mo

Darating din yung araw na hindi na ikaw ang iisipin ko sa bawat tarot card reading sa tiktok ko

Kapag tama na, malilimutan ko na ang iyong makukulit na banat

Kapag tama na, hindi na ako magsiscreenshot ng my day mo at mabubura ko na lahat

Kapag tama na, hindi na ikaw ang magiging laman ng puso't isip ko

Kapag tama na, ako'y makakalaya at makakausad na

Kaya hayaan mo muna ako pansamantala

Kasi darating rin ako sa punto'ng, TIGIL NA, TAMA NA

Sa araw na ayaw ko na sa kahibangang ito

Sana'y malaman mo kung gaano ako sumaya sa piling mo

Kahit hindi man umabot sa pagkakaroon ng label ang relasyong ito.