Sa uulitin

Paulit ulit.

Akala ko wala na

Pero bakit bumabalik ka?

Sumusulyap muli

Nakikipag-usap ulit

Atensyon mong sobra kong sinusulit.

Una'y yakap lang

Hanggang mayroon ng halik

Nakagawian nati'y bumabalik.

Gamit mo'y gamit ko na ulit. Sa pagsapit ng himbing ay ikaw na naman ang katabi. Pagkaumaga'y sa tinig mo magigising. Aasa ba ako? Eto na naman tayo. Paano na ba to? Hindi ko na alam ang gagawin.

Paano ko babawiin ang mga salitang nabitawan ko? Na ayokong maging tayo dahil ayokong ika'y masaktan ko? Na ayokong dumating ang panahon na may makikilalang isa pang ikaw at gagawin sayo ang nagawa ko? Ayokong ulitin sayo ang nakaraan. Masakit na ang ulo ko kakaisip. Kakaisip sa maaaring mangyari kung lalakasan ko lang ang loob kong umamin.

Na mahal kita. Mahal na mahal at tangina alam kong may mali pa rin.