Sorry, Duwag Ako

Alam mo gusto kita,

Sa kilos at kabaitan mong pinapakita,

Sinong hindi mahuhulog sa tulad mo?

Mabait. Maasikaso. Maalalahanin. Palakaibigan. Masayahin. 
Bonus na ang kagwapuhan mong taglay.

Alam mo, alam ko.

Na may gusto ka rin sa akin

Na kada pang-aasar sa atin nila ay namumula ka rin katulad ko.

Na kakaiba ang reaksyon mo nung may nagsabi sa akin na gusto mo ako.

Na may lungkot sa mata mo pag nakita mo akong may kasamang iba.

Na araw-araw ay sinisikap mo akong ihatid pag-uwian.

Na saglit nawawala ang ngiti mo pag kaibigan ang pakilala ko sa'yo.

Alam ko pero di ako nagsalita.

Kahit minsang naisip ko ang posibilidad na tayo.

Alam ko pero naunahan ako ng takot.

Alam ko pero duwag ako.

Di sigurado.

Paano kung mali ako ng inaakala?
Paano kung umaasa lang ako?

Paano kung lumabas lang akong assumera?

Paano kung ako lang pala ang nakakaramadam ng ganto?

Manhid ang bansag ko sa sarili;di marunong makaramdam ng pag-ibig.

Pero sa totoo lang pilit ko lang di pinapansin para di masaktan.

Di ako manhid, duwag lang.

Alam mo, alam ko kaso natakot ako.

Sorry.

.