mein tere baarein me likhna chaahti hu,
teri aankoh ke baarein mein likhna chahti hu
jinhe ghanto nihaar skti hu mein
tere lambe baalon ke baarein mein likhna chahti hu
jinhe haath se sehlana chahti hu mein
tere hontho ke baarein mein likhna chahti hu
jinhe apne hontho se choona chahti hu mein
par,
par likhungi nhi
likhungi nhi un cheezo ke baarein mein jo dhal jaati hai
likhungi nhi un cheezo ke baarein mein jo jawani ke saath guzar jaati hai
likhungi to tere yu haske sharmajane ke baarein mein
ki kese tu mere izhaar karne pe palke jhuka leta hai
likhungi teri hassi ke baarein mein,
ki kyu mujhe tujhe hasana itna pyaara lagta hai
likhungi tere sabr ke baarein mein
ki kese mere pagalpan ko meri masoomiyat smjhta hai tu
ki kese bin kahe sab smjhleta hai tu
ki kese meri aankoh ke aansu chubte hai tujhe
ki kese mere nazdeek aane se, sharmake nazare hataleta hai tu
mein likhungi tere baarein mein
ki padhne wala bhi ye dua karey
ki kaash, kabhi kisi janam
humhe bhi koi esa shayar miley
humhe bhi esi ishq ki chunar odhne ka muaka mile
humhe bhi koi itna pyaara shaks mile.