Gin

Minsan makakatagpo ka ng mga bagay na hindi mo aakalaing darating pala sa buhay mo.

Mga bagay na pwede pa lang makapagbigay ng kulay sa madilim mong mundo. Mga bagay na minsan matatagpuan mo sa mga hindi inaasahang panahon...

"Naliligaw ako, maaari bang magtanong?"

"Oo naman. Saan po ba ang punta n’yo Miss?”

Nakaramdam ako ng lukso ng dugo nang makita kita. Ewan ko. Pakiramdam ko kilalang-kilala na kita kahit noon pa lamang kita nakita. Kumportable kaagad ako sa ‘yo.

“Sa may libis sana, ang kaso nakakailang liko na ako, hindi ko pa rin nararating yun.”

“Mukhang nasobrahan ka yata ng liko Miss.”

Sinamahan mo ako nang walang alinlangan. Nagpasalamat ako nang husto sa kabutihan mo. Nagpaalam tayo sa isa’t isa na may hindi maburang ngiti sa mga labi. Pakiramdam ko noong umalis ka, sinama mo ang puso ko.

(c) Zaf