Bakit?

Ang dami kong tanong sa'yo mahal ko.

Bakit noong tayo, hindi mo ako nagawang ipaglaban sa mga taong nakapaligid sayo?

Bakit nang siya'y bumalik sa buhay mo, itinapon mo na lamang ako sa ere na parang basurang walang kuwenta?

Binigay ko naman lahat di ba? Oras, pagmamahal, pang-unawa. Puta, kahit ubos na respeto ko sa sarili ko pinaglaban pa rin kita.

Pero anong nagawa ko at iniwan mo ako?

Hindi pa ba sapat na pinaglaban kita, minahal kita at nagpaka-puta ako para sayo? Ano pa bang kailangan kong ibigay para ako ang piliin mo?

O mas hindi pa ba sapat na pumayag akong dalhin ang susunod na henerasyon ng lahi mo?

Lahat ng ipinagdamot niya, ibinigay ko ng buong puso. 

Pero bakit sa huli, siya pa rin ang pinili mo?

Dahil ba siya ang nauna at hindi ako?

O dahil isa lang akong KABIT na kailanman ay di matatangap ng kahit sino?

Una ka niyang niloko, sinaktan at iniwan. Hindi lang isa o dalawa. 

Bata, matanda. May karelasyon man o wala. 

Kahit ang bata sa sinapupunan niya, nalaglag pa. 

Kaya mahal ko, ang huling tanong ko sayo.

Sinong mas tanga sa ating dalawa,

Ako na minahal ka? O ikaw na binalikan pa siya?