Are you sure you want to report this content?
Illustration by @luciesalgado
Mawalang-galang lang po, pero bakit ba ang ingay niyo?
Bakit ba?
Bakit ba ang ingay niyo?
Bakit kailangan magsigawan
Kung nag-uusap lang kayo?
Mukhang mababaw ‘diba?
Pero hindi, dahil bakit ba?
Bakit kailangang magbitaw
Ng masasakit na salita?
Bakit kailangang manghusga
At kamalia’y ipamukha?
Bakit kayo ang nabibingi
Mula sa mga aming daing?
Bakit parang laging binabaril
Ng mga salitang walang tigil?
Bakit parang nang-aasar
Ang mga tawang bihira?
Bakit laging nagbabanta
‘Pag bibig ay bumubuka?
Bakit kahit walang sinasabi
Mga mata’y may pinapahiwatig?
Nanghuhusga’t nanlilisik
Ano na naman bang ginawa namin?
Bakit kahit kaila’y
‘di nakarinig ng papuri?
Kahit ‘salamat’ man lang,
‘di kami maririndi.
Bakit ‘di ipahinga
Ang bungangang nangungutya?
Nang mainitindiha’y ‘di lang kami,
Kayo ri’y sumosobra na.
Bakit ‘di gamitin ang inyong mata
At makita ang mga tama naming nagawa?
Bakit ‘di gamitin ang inyong mga tainga
At marinig ang mga boses na matagal nang nawala?
Bakit ‘di gamitin ang inyong mga paa
At lapitan nang marahan nang takot sa inyo’y mawala?
Bakit ‘di gamitin ang inyong mga kamay
gamutin ang mga sugat at pasa na sa inyo nagmula?
Bakit ‘di hayaan
Na kahit sa tahanan man lang,
Magkaroon ng katahimikang
Kami'y pinagkaitan.
68 Launches
Part of the Life collection
Updated on August 21, 2017
(2)
Characters left :
Category
You can edit published STORIES
Are you sure you want to delete this opinion?
Are you sure you want to delete this reply?
Are you sure you want to report this content?
This content has been reported as inappropriate. Our team will look into it ASAP. Thank You!
By signing up you agree to Launchora's Terms & Policies.
By signing up you agree to Launchora's Terms & Policies.