Dito

Natatawa ako sa sarili ko
Kasi unti-unti na pala
Ako'y nahuhulog na sayo
Ngayon ko lamang nahalata

Di alam ang gagawin
Dahil ibang tao
Ang may ari ng iyong tingin
At hindi ako

Sinisisi ang sarili
At minsan sa'yo rin nababaling
Bakit ba ako ganto?
Bakit ba ang hina ko pagdating sayo?

Lumalambot ang puso
Kapag naririnig ang tinig mo
Naguguluhan ang ulo
Ano nga bang isasagot ko?

Sabihin ko mang ayaw ko na
Di ko rin magawang kalimutan ka
Araw-araw kitang nakikita
Iniisip at inaalala

Ayoko na nga

Alam ko naman
Kahit ilang beses kong sabihin
Ikaw pa rin ang laman
Ng puso kong lagi kang sambitin

Pero mahirap
Naging parte ka na ng buhay
Sa tamis at sarap
Sa pait at lumbay

Paano ko ba masasabi
Na gusto kita
Nang hindi nasasagi
Pagkakaibigan nating dalawa

Nagawa mo na kasi
Ang parehong pagkakamali
Nang umamin ka sa kanya
Alam kong nasaktan ka

Andito lang ako