PAGTATAPOS

Sa aking pagtatapos ako ay nagpapasalamat.

Sa bawat tumulong hatid ko ang pasasalamat.

Pasasalamat sa lakas na inyong naibigay.

At sa sakit na inyong binigay.

Sa bawat salita na inyong binitawan,

Pangarap ko ay mas lalong hindi bibitawan.

Hindi ako susuko,

Dahil hindi kayo sumuko.

Sa aking ama na gigising ng umaga at uuwi ng gabi.

Ang pag-ikot ng iyong gulong araw at gabi.

Hindi titigil para sa amin.

Pasasalamat sa hirap at pagod na iyong alay sa amin.

Sa aking ina, pagod ang bibig.

Dahil sa mga salitang puno ng pagibig.

Hindi magsasawang kami ay itama.

Dahil lagi namang may tama.

Sa aking mga kapatid na lait ang hilig.

Ngunit suporta ang ibig.

Hindi mapagkakailang kayo ay tunay.

Tunay na mahalaga sa aking buhay.

Sa aking mga kaibigan, kayo ay tunay.

Tunay na mapanakit.

Tunay na mahirap ngunit kinaya.

Basta kayo ang kasama lahat kaya. 

Ang pagtatapos na ito ay para sa lahat. 

Pasasalamat ay hindi sapat.

Sa tulong na inyong inabot.

Mga pangarap ay naabot.

Araw-araw napapaisip kung ano ang bukas.

Bukas na maaaring mawalan ng bakas.

Ngunit lahat ng pagiisip na ito ay nawala,

Dahil ang tagumpay ay hawak ko na.

Tagumpay na alay ko sa inyo.

Ang tagumpay na ang dahilan ay kayo.