Salamat sa pagbitaw mo sakin

Gusto mo ba talaga?
Ang laging panimula
Akala ko'y payag ka
Yun pala'y ayaw mo na

Pinag-isipang mabuti
Yun pala ay walang silbi
Kaya hindi mo masabi
Dahil ako'y sa'santabi

Mag-uusap na sana
Ngunit ika'y nasan na?
Lagi na lang bukas na
Dahil tatanggi pala

Sinayang mo na nga ako dati
Bakit "mahal pa kita" ay nasabi?
Nasanay na ika'y nasa tabi
Kaya't hindi makapagsarili

Akala sarili'y hindi na aasa
Bat isang ngiti at ulit bibigay na?
Sabi mo pa'y bagay kami ng iba
Alam mo ba na mahal pa rin kita?

Sabi mo'y gustong pag-isipan pa
Pero yun pala ay may gusto kang iba
Sana ay hindi na pinatagal pa
At agad sanang umayaw ka na

Hindi yung malaman kong pumayag ka
Tapos nang mag-usap ay ayaw mo na
Na parang tayo'y nag lolokohan lang ba
At ako lamang ay iyong pina-asa

Sakanya'y ano bang nakita mo?
Mas maganda ba sya para sayo?
Sya lang ba ay panakip butas mo?
O sya ay iyo talagang gusto?

Kaibigan na nga lang ba?
O magkakabalikan pa?
Wala na nga bang pag-asa?
Para sa ating dalawa?

Bakit pa ba aasa?
Na ako'y mahal pa
Kung wala na talaga?
Tama nang pagpapakatanga

Sarili'y hindi sigurado
Nadala lang ba talaga ako?
Pagmamahal ba'y naglaho?
O sadya lamang tinatago?

Pero hayaan mo na
Ika'y kakalimutan na
At magmamahal ng iba
Dahil ikaw at ako'y wala na

Hindi na manghihinayang sayo
Pagsisisihan mo't sinayang ako
Sa ilang beses nating nagtalo
Mabuti na't hindi na muling naging tayo

Siguro nga't nadala ng nararamdaman
Ngunit hindi na magbubulag-bulagan
Pagmamahal sayo'y aking natuldukan
Tama na ang luha't damdaming nasaktan

Sa muling pagkikita natin
Ito'y aking masasabi din
May matatawag na 'kong akin
Salamat sa pagbitaw mo sakin