shortcut

kung hindi lang talaga masama 'yon,

ginawa ko na 'yon noon...

Nakakapagod.
Naranasan mo na bang sumugod ng mag-isa,
sa umagang walang araw,
sa gabing walang buwan at mga tala,
sa buhay na walang kaulayaw?

Nakakasawa. 
Nakakasawang mag-isa,
na ang buong sanlibutan ay iyong kadigma,
tila sadyang parang nananadya,
ang buong mundo at ang tadhana.

Nakakalunod.
Walang hanggang katapusan,
hindi mo alam kung kelan,
at saan --
ang huling hantungan.

Nakakaubos.
Sa sobrang nakakaubos, gusto mo na lang talagang matapos.
Matapos na iyong paghinga, para bukas, sa susunod,
o sa makalawa, masasabi mong ayos na.
Ayos na, kasi wala na sila dahil wala ka na.  

minsan talaga masarap shumortcut,

pero it will lead you to the longer cut;

kung hindi lang talaga masama 'yon,

ginawa ko na 'yon noon...