Are you sure you want to report this content?
Ako na lang palagi
Ang sumasalo at nakikinig
Ang kumakalma sa isip
at bagabag ng dibdib.
Ako na lang palagi
Ang kinakausap 'pag sawi
sa pag-ibig, trabaho,
pati sa pambayad sa tubig.
Ako na lang palagi
Ang ina-akayan kapag napipilay
At 'pag 'di tumitigil ang luhang
Ayaw sa mga mata mong lumisan.
Ako na lang palagi
Ang tagapag-hatid ng saya sa mga
Mukha ninyong 'di na tumigil sa pamumula
Dahil sa ilang beses na pagpahid at pagpunas.
Ako na lang palagi
Ang kaibigang masasandalan,
Mahihiraman, mapapagkatiwalaan
At siguradong maaasahan.
Ako na lang palagi
Ang tropa ninyong 'di napapagod
At nagpupursigi at may patutunguhan
at may maliwanag na kinabukasan.
Ako na lang palagi--
kaya't kapag ako naman ang naghahanap ng kausap
Sa tuwing 'di ko na kayang kumalma
At 'di mapatigil ang bagabag ng dibdib
Wala sa akin ang sumasalo't nakikinig.
Ako na lang palagi--
Kaya't kapag ako naman ang sawi,
kapag ako naman ang pagod sa trabaho
at nagigipit pambayad ng kuryente at tubig,
Wala sa akin ang tumutugon.
Ako na lang palagi--
Kaya't kapag ako naman ang napipilay at hirap tumayo,
Kapag ang luha ko'y ayaw talagang tumigil at lumisan,
Nanatili lang akong nakalugmok sa sahig
At nag-iisip kung may punto pa ba ang pagbangon.
Ako na lang palagi--
Kaya't kapag ako naman ang 'di makatawa,
kapag ang mga mata't mukha ko'y namamaga't namumula
Pilit itong nakakubli't 'di hinahayaang mapansin ng sinuman
Sapagkat ako--Ako lang--
Ako na lang palagi
Ang kaibigang matutungkuran, mauutangan, mauuto
Na tumulong sa inyo't ma-aasahan palagi
Na magbigay solusyon sa problema ninyong
Dapat ay maging problema ko rin
Sapagkat ako lang--Ako na lang palagi--
Ang sa atin ay hindi napapagod (kahit na sawang-sawa na)
Ang sa atin ay laging nagpupursigi (Kahit na 'di alam kung para saan)
Ang sa atin ay may maliwanag na kinabukasan (na kayo lang ang nakakita)
Ako lang palagi--Ako lang talaga.
Ako lang palagi.
Ngayon malinaw na nga:
Ako lang naman palagi...
Ako nga lang palagi...
-R
It's my birthday...
I know everyone tries and we're all suffering; that doesn't mean I can't feel sad for myself.
0036 Launches
Part of the Society collection
Published on January 05, 2020
(0)
Characters left :
Category
You can edit published STORIES
Are you sure you want to delete this opinion?
Are you sure you want to delete this reply?
Are you sure you want to report this content?
This content has been reported as inappropriate. Our team will look into it ASAP. Thank You!
By signing up you agree to Launchora's Terms & Policies.
By signing up you agree to Launchora's Terms & Policies.