Tapos na (Reverse Poetry)

Tapos na.
Eto na to.
Pagod na ang isipan ko.
Namamanhid na ang puso ko, datapwat

Magkahawak na kamay, kumakalas na
Gustong kumawala ng halo-halong emosyon
Ngiti at luhay magkasabay
Saya at lumbay ay nagkatuluyan.

Bawat away na magdaan
Sinusubok ang tatag nating dalawa
Akalay malulusutan lahat ng ito
Pero, heto pahina ng pahina ang tayo

Tuluyang nagiba.
Sa bawat pagpipilit
Sa bawat pagsusumamo
Hindi na magkaintindihan.

Ngunit, habang buhay kong ipagpapasalamat
Bawat takbo at hakbang
Bawat paglalasing at pagkakatumba
Bawat panghihina ng loob, andyan ka't nakaagapay.

Hindi maipaliwanag ang nararamdaman
Sa tuwing ikay kayakap
Sa tuwing labi moy nakadampi sa aking pisngi
Hindi mapigilan ang kilig na namamayani

Saya at halakhak na dulot mo
Biyaya mula sa maykapal
Pagdating mo sa buhay ko'y
Hindi inaasahan

Mga masasayang sandali
Nakangiting aalalahanin
Bawat segundong ikay kapiling
Ramdam na ramdam ang pag-ibig.