TINURUAN TAYONG KUMATOK BAGO PUMASOK AT MAGPAALAM BAGO UMALIS (Filipino)

Tanda mo pa kung paano kumatok sa pinto bago pumasok?

Minsan kasi hindi mo alam kung may tao sa loob.

Minsan hindi mo rin alam kung gusto ka niya rin makita.

Mainam na kumatok muna bago pumasok.

Kapag nakapasok ka na at sinalubong ka ng pagbati, matuwa ka.

Hindi lahat ng tao inaasahan ka.

Hindi sa lahat ng pagkakataon ay hinihintay ka.

Higit sa lahat, hindi lahat ng tao ay puwedeng pumasok.

Ngunit kung umalis ka nang di nagpapaalam, parang binalewala mo lang ang pagsalubong niya sayo.

Ang pakatapos mong kumain ay hindi mo basta-basta iiwan ang piangkainan mo.

Hindi mo dapat iniiwan ang higaan mo nang hindi inaayos ito.

Dito rin sinusukat ang pagiging matino mo.

Matuto tayong magpaalam sa lahat ng pagkakataon.

Dahil ang pag-alis mo ay maaaring mag-iwan ng pighati sa ibang tao.

Magkano ba ang paalam mo para marinig namin ito?

Ganun ba kahirap ang magsabi ng "I'm sorry pero kailangan ko nang umalis?"

Sa pag-alis mo mahalaga rin malaman kung bakit.

Dito nasusukat ang pagiging tao mo.

Dahil hindi mo alam kung gaano kahalaga sa ibang tao ang dahilan mo.

Mahirap ang manghula ng iba't ibang dahilan dahil hindi sila maghuhula.

Papaano ba magiging malinaw ang lahat kung basta ka lang umalis ng walang paalam?

Paano nila masusukat ang kahalagahan ng pag-alis mo kung iniwan mo silang walang pasabi?

Paano ka ba nila bibitawan nang magaan sa loob kung ipinagkait mo ang mga dahilan na iyon?

At paano mo maililigtas ang sarili mo kung di mo dedepensahan ang pagkakamali mo?