Gusto Kita Makilala

Sa likod ng mga ngiti mo'y ibang kwento.

Sa mga matang di kayang mabasa kung tunay ba talaga ang pinapakita.

Sa'yong mga tingin na ang layo ng tinatanaw.

Sabay ng malayong pagdungaw mo ay ang paglalaro ng isipan mo. Malalim na pag iisip sa kung ano.

Sino ka ba talaga?

Gusto kitang makilala...

Gustong gusto kita makilala.

Gusto kong malaman kung anong kwento sa likod ng mga ngiti mo. Kung ano ang mga nagpapaluha't nagpapalungkot sa'yo. Na sa mga ngiti mong dala ay ang bigat na dinadala.

Gusto kong titigan ang mga mata mo. Mabulong sa isipan ko na ayus ka lang kahit parang hindi. Gustong gusto ko makita ang mata mo na hindi nangsisinungaling sa harap ng madami.

Ang tingin mo na nakakalunod kung tangkain ko mang pasukin ang mundo mo. Tingin na nakakaalala sa mga bagay--- di ko alam kung ano 'to pero nadadala mo ko sa'yong malayuan pagtingin. Lalong napapatitig sa'yong mukha.

At sa huli'y ang naglalaro sa isip mo. Higit na agaw pansin kung ano ba talaga 'to. Sa tingin mong malayo ay ang isip mong naglalaro sa kung sa'n.

Ano ba tumatakbo sa isipan mo? Gusto ko malaman ito.

Gusto kitang makilala...

Gusto kita makilala ng higit pa sa inaakala ko. Malaman ang lahat sa'yo, mababaw man 'to o malalim handa akong makinig sa'yong kwento dahil sa gusto kong makilala ka ng husto.

Gusto kita makilala.