Luma Na Yung Dating Bago

Pwede bang itago mo nalang yang nararamdaman mo, at hayaan mo ako na ayusin to?

Dear future ex ko,

Eto na ba yung punto kung saan itetext mo ako, sasabihing "usap tayo, importante to." Tapos kakabahan ako at sasabihin mo, "hindi ako ang deserve mo." Pagkatapos, heto, maghaharumentado nanaman ang puso ko.

3 words, 11 letters,

Break na tayo.

"Ayoko," sabi ko.

Nagmakaawa ako na pagbigyan mo.

Aayusin ko lang yung sinira mo, magsosorry ako kahit kasalanan mo.

Aakuin ko yung mga problema mo, yayakapin ko yung mga ayaw mo.

Iiiyak ko yung lungkot mo, isisigaw ko yung galit mo.

Isasakripisyo ko yung natitirang ako, itataya ko pati pamato ko.

Habang tinatanong ko sa sarili ko, "anong kulang ko?"

Habang sinisisi ko yung sarili ko, "ano bang nagawa ko?"

Malabo na yung dating malinaw,

Marupok na yung dating matibay,

Ako nalang yung dating tayo,

Luma na yung dating bago.

Hanggang sa napagtanto ko,

Na kesa magmukmok ako,

Magmakaawa sayo,

Tunggain ang alak sa baso,

Sindihan ang sigarilyo,

Tumula para sayo,

Sayangin ang bawat liriko,

Umasang magbabago yung dating gago,

Last na to.

Dahil tatanggapin ko na na ikaw ay future ex ko.

Tatanggapin ko na na malabo na yung dating malinaw,

Marupok na yung dating matibay,

Ako nalang yung dating tayo,

At luma na yung dating bago.

Sige na, payag na ko,

Ako na ngayon ang ex mo,

At ikaw ang ex ko,

Wala na ang future ex na ibinibida ko,

Dahil una sa lahat, wala na ring future yung "tayo,"

Pangalawa, wala na miski yung "tayo."

Dahil tinatanggap ko na,

Na luma na yung dating bago.

Nagmamahal kahit nasaktan at nalumaan,

Ex mo