Naam (Part-7)

Kolkata 

  Mai Ravin ke sath Varanda meh khaddi thi apne kamre meh. Ek gaadi aake side meh lag gayi. Koi nikla andar se jo maine dhayan nhi diya. 

"Khushi, mai apne room meh jara hu, I got some work abhi." Ravin neh akhri cigarette khatam kartey hue bola.

"Ha, jao." Maine kaha.

"Kukuuuuuu kukuuuu." Maa ki chilaney ki awaz aayi.

"Haa maaaaaaaaaa kahooooooooo" maine bhi chilatey hua kaha. Maa ki awaz dobara nhi aayi, tho maine socha hogaya hoga kaam.

Mera dhyaan phir dusri taraf chala gaya.

"Hey?" Peeche se awaz aayi. Maine peeche dekha. Pehle samajh nhi aya kaun hai, phir dhyan aaya, Aditya. Bahut badal gaya tha, ek chasma lag gaya tha, baal thode bade hogaye the, or daddhi bhi badha rakhi thi, chehra thoda bhar bhar gaya tha, awaz bhi or bhari hogayi thi.

"Hi" maine halke se bola. Voh aage badha or mere bagal meh aake khada hogaya.

"Kaisi ho?" Usne kaha.

"Achi hu. Tum batao?"

"Hmm. Cigarette ki aadat kabse lag gayi?"

"Excuse me?"

"Tumhara pura room smells of it." Usne kaha.

"Oh" maine turant table pe padha perfume uthaya or pure room meh chidakne lagi.

"Bus karo madam, marogi kya, bahut strong smell hai, cigarette seh nhi isse mar jaye koi."

"Ha ha ha, hassi nhi aayi." Maine mooh banake bola.

"Pehle inhi jokes pe muh phadke hasti thi." 

"Tab hum bache the. Abb nhi hai." 

"Dikh raha hai." 

"Tattoo kab banwaya?" Maine uske hath pe teen stars ka tattoo dekhtey hue kaha.

"Time hogaya bahut" 

"Okay."

" Theek hai phir, chalta hu, bus chachi neh kuch bhejwaya tha aunty ko dene ko tho vahi dene aaya. Aunty hi boli ki tum aaye hui ho. Tho socha hi bolu."

"Hi Aditya"

"Hi Khushi, chalo miltey hai phir. Bye. " kehke voh room se bahar chala gaya. Sab alag tha. Abb shayad kuch feel hi nhi hota tha. Jaise kisi neh koi goli de di ho. Can't feel.