Naam(Part- 3)

“Abhi lamba course hai ek do saal tak vapis naa aau shayad.”

“Hmm janta hu”

“Tumhe lagta hai aise hum reh payenge”

“Pata nhi”

“Bahut log hotey hai,dus dus saal long distance ke baad bhi shaadi hojaati hai unki or pyaar nhi kamta”

“Kuku, suno meri baat, kabhi kabhi na aadat ho jaati hai,ho sakta hai hume sirf aadat ho,pyaar kahi peeeche chuth gaya”

“Tumhe kya lagta hai hume alag ho jaana chahiye?”

“Pata nhi”

“Abb ek or baar pata nhi bola tho pit jaoge merese”

“Or jee nhi paunga...”

“Kaise?”

“Kabhi kabhi lagta hai na jaise tum mera aadha hissa apne pass le rakhi ho, yeh dooriyan ekdum achi nhi lagti”

“Hmm...kaam. hum dono. Pata nhi. Kaha. Kho gaye.” Shabd milne mushkil hogaye the.

“Shhh. Hum khoye nhi,bus bade hogaye.”

“Tho tumko tumhara adha vapis chahiye?”

“Haa, iss baar pata nhi nhi bolunga,jaan pyaari hai apni” voh halke se hasstey hue bola.

“Itni serious baat haste haste kaise bol letey ho?”

“Kya karu,ro bhi yho nhi sakta na.”

“Kisne mana kiya?”

“Tum hona,pagal si, tumhara adha bhi tho mere pass hai, mai hi ro dunga tho tumko kaun chup karayega?”

“Kal flight hai meri Delhi ki, chodhne aayoge?akhiri baar?”

“Meri bhi flight hai kal”

“Kaha ki? Tumne tho bataya nhi iss bareh meh..”

“Socha samne batau,phone pe batana sahi nhi laga.vahi pe sab kaam hai abb. Mai bhi shayad vapis na aau. Abb hai hi kaun Kolkata meh. Mera bhi mann sa bhar gaya hai”

“Tumhare chacha chachi hai na”

“Khushi, mai jaara hu,bus” usne iss baar mera pura naam bulaya,or usko mooh se ajeeb laga sunne meh. 

“Tabhi itni asani se jaane dere ho mereko. Haina .Hassi aari hai soch ke. Kal hum dono alag alag disha meh udd jayenge. “

“Abb tum jao ghar.”

“Kyu?itni jaldi hai door hone ki?”

“Nhi, abb shayad aur control nhi hoga, ro dunga”

“Okay jaa rhi hu” mai mudhi or usne mera haath peeche se pakad liya.

“Sunona, last time gale milogi?” usne jawab nhi sunna, ya shayad maine jawab diya hi nhi. Usse lipat si gayi, or ankhe bhar bhar si gayi. Uss taraf shayad uska haal bhi kuch aisa hi tha. Maine dekha nhi usko rotey hue, bilkul jaisa voh chahta tha. Uska haath dheere dheere mere baalo ko sahlata hua,aisa lagra tha jaise sab kuch khatam sa ho raha hai. Hum kitni der tak vaise hi khade rahe pata nhi. 

“Abb kya meri baho meh hi rehne ka irada hai puri raat?” usne haste hue kaha.

“Daat todd dungi zyada hasso mat.”

“Acha baba. Or any idea aunty kya banarhi hai dinner meh?”

“Mera favourite. Bhindi”

“Mera bhi favourite hai”

“Tumhara kabse hogaya?”

“ meri favourite ka favourite is equal to mera favourite”

“Chalo zyada maths mat sikhao humko. Dinner pe aajao.”

“ Chalo phir”

“ Vaise hum abhi abhi alag hue the na?”

“Shush meri jaan, kal se. Abhi bhuk lagrhi hai”

“Bhukhad”

“Bhukdi” aseh hum akhiri baar hath meh haath diye saath chal diye.

Agle din,airport pe dono alag hogaye, mai ek taraf thi or voh dusri taraf. Uski nazre mujhpar se haathi nhi. Hotho pe nakli khushi,ankho meh dard liye ghum raha tha. Khatam .