Paano?

Para akong preso,
Na nakakulong sa mundo ng bawat tao,
Hindi mahanap ang susing nakatago,
Para makalaya sa kahibangang ito.

Pakiramdam ko'y bulag din ako,
'Di makita ang sariling ako,
Nakadepende sa taong gaya ko,
Na walang ginawa kundi guluhin ang utak ko,

Pakiramdam ko'y pipi din ako,
'Di ko marinig ang sarili ko,
Puro tanong bawat lingon ko,
Na hindi masagot ng sariling bibig ko.

Pakiramdam ko'y pilay din ako,
Tutumba pag wala ang saklay ko,
Kailangan pang marinig ang opinyon ng ibang tao,
Bago maka-buo ng sariling desisyon ko.

Paano ko makikita kung bulag ako?,
Paano ako makakasigaw kung pipi ako?,
Paano ako makaka-alis kung pilay ako?,
Paano ko mahahanap ang susi kung ganito ako?

Paano?