Pansamantala

Pansamantala'y panandalian lamang,
Maaring ngayon lang,
'O 'di kaya'y pagbagot ka,
Minsan naman kapag wala siya.

Pero salamat-

Sa pansamantalang kilig,
Sa pansamantalang pananabik,
Sa pansamantalang saya,
Sa pansamantalang mahal kita.

Wala naman akong karapatan mauna.
Ganoon sa puso mo,
'Di ko masabi kung pangalawa,
'O baka nga panglima.

Ngunit 'wag ka mababagot lumapit,
Pwede mo parin akong kwentuhan,
Labasan ng sama ng loob,
Sandamakmak na kadramahan.

Makikinig ako-

Kung ayon lamang ang natatanging paraan,
Upang maramdaman-
Yung kilig,
Pananabik,
At saya,
Salamat, sa pansamantalang mahal kita.