Wala Na, Kaya Mo Pa Ba?

Wala na, kaya mo pa ba?

Yung saya,

Yung kaba,

Yung kilig kapag nandiyan siya

Kaya mo pa ba? Ngayong wala na siya?

Kakayanin mo naman diba? kasi sa wala rin kayo nag umpisa,

Sa mga salita at kwento sa mundong kayo lang dalawa.

Siguro napapaisip ka kung kaya mo pa ba, kaya mo pa kaya?

Kaya mo pa bang ipagpatuloy ang mundong binuo niyong dalawa

ng ikaw lang mag isa? Kinakaya mo pa ba?

Alam ko nahihirapan ka na, pwede ka nang bumitaw sa pagkakakapit

sa mundo niyong gunaw na, yung wala na

Pero sabi nila, pag mahal mo ipaglalaban mo.

Oo, alam ko mahal mo siya,

Pero kaibigan ka lang niya.

Gumalaw ka sa maling mundo na inakala mo sa inyong dalawa, na kayo talaga. Ano? Kaya mo pa ba? ngayong ginunaw ng pag amin mo sakanya at mga panumbalik niyang "Bessy, may gusto na akong iba."

Gumuho ang mundo mo kasabay nang pagpatak ng mga luha pero pilit mong ikinukubli ang sakit sa mga sinabi niya kasi kaibigan mo siya. Oo, kaibigan ka lang niya kaya sumuko ka na, narinig mo na siya.

Mawala man yung saya, yung kaba, yung kilig kapag nandyan siya pero 'di mawawala ang mga alaala niyong dalawa kaya bitawan mo na siya at ipinapangako ko, kapag kinaya mo, darating ang panibago mong simula.

Bagong mundo na ikaw lang at ang saya, mga letra at sulat mo, ngalan mo ang may akda, kumawala ka at gumawa kasi wala na siya.

Kaya mo pa ba? Kakayanin mo naman diba?