Sino ka ba? May mahal ka na pala.

Sisimulan ko ang aking kwento sa kung paano mo ako nakilala,
Teka paano nga ba? Ako ba yung dating masaya?
Ako ba yung puro lang tawa kahit seryoso kana?

'Di ko pala kilala ang sarili ko, ikaw alam ko kilala mo siya!
Wag mo sanang ipagkailang ipakilala siya sa iba.

Minsan sa isang linggo ika'y kanyang pinatatawa,
Na kung ano ang katumbas ng kanyang kalungkutan,
Ay ang sobrang galak ng kanyang katauhan.

Sinusulat ko na ang aking kwento sa kung paano tayo nagkakilala,
Inaalala ko ang mga katanungan bumagabag sayo nung umpisa.
Sino kaba? mapagkakatiwalaan kaba? o dapat ba kitang makilala

Wala akong tugon,
Kasi sabi sakin ni ina,
Wag makikipag usap sa di mo kilala.

Wag mo sana akong husgahan kasi di mo ako kilala,
Bagkos alalahanin mo na sa umpisa palang may wakas na,
Na baka sa una palang masaktan mo na ko, aking sinta.

Alam ko sa dulo, sakit ang iyong dala.

Ngayon alam ko na at inaalala ko pa kung paano mo ako nakilala,
Na sa bawat katanungan mo ay may kasagutan.

Kung paano ako sumayaw at kumanta,
Sa kung paano ako tumatakas sa pangungutya ng iba,
Napagkwentuhan na natin ang buhay ng isa't isa,
Isa nalang ang di ko malaman at maalala.

Kung paanong hindi siya nasama sa mga kwento mo.

Akala ko pwede na ako maging sayo,
Andiyan pala siya yung mahal mo.
Nakalimutan ko na kung sino ako,
kung ano ulit ako sa buhay mo.

Ipaalaala mo kung sino ako,
ikaw ang susi sa mga tanong ko.

Mga tanong mo nung hindi mo pa ko nakikilala ng husto,
Sa kung paano ang isang estrangherong ikaw pumasok sa buhay ko.
Halika rito at ipaalaala mo kung sino ako.

Wag kang mahihiya kasi nakwento ko na sayo ang buhay ko.
Wag mo ipagkaila sa iba na minsan ng umikot sayo ang mundo ko,
Kaso nung malaman kong mahal mo pa siya gumuho ang mga ito.

Ngayon ipapaalaala ko sayo kung sino ako.

Ako yung bahaghari na minsan nagpasaya sayo,
Kahit alam ko sa sarili ko, iba ang 'yong gusto.